9 Baishak, 2075 | 22 April, 2018 Sunday
गजल - भगवती बस्नेत
2018-04-08 | कोसेलीन्युज


गजल

दिनहुँको हिंसाले आँखा टिलपिल भएको छ

मौनतामा मेरो देश सधैं  शिथिल  भएको छ ।


जति बुझ्यो उति बुझ्न कठिन यो जिन्दगानी

मेरो सिंगो  जिन्दगी नै तपसिल भएको छ ।


जिब्रो भन्दा धारिलो हतियार अरु के होला खै?

अचानो नै यहाँ खुकुरीको वकिल भएको छ ।


बदलियो सबै थोक समय अनुकूल नै   

पीड़ा भोग्ने त यही निर्दोष दिल भएको छ


थाहा छैन कैले सम्म दुख्नुपर्छ अझैं मैले

प्रवासको बसाई यो झनै मुस्किल भएकॊ छ ।


भगवती बस्नेत