10 Falgun, 2074 | 22 February, 2018 Thursday
तोयानाथ उपेक्षित, कुवेतको जेलमा मृत्यु दण्डको सजाय सुनाईएका नेपालीहरु अरु पनि छन । आजिवन कारबास भोग्नेहरु पनि छन । १० देखि १५ बर्षको सजाय काटदै गरेका र पाँच बर्ष वा सो भन्दा कमको सजाय पाउने पनि उल्लेख्य संख्यामा छन । मदिराको सेवन र विक्रिवितरणमा युवाहरु र गैह् कानूनी रुपमा देह व्यपारमा संलग्न महिलाहरुको आरोपमा जेल हुदै नेपाल जानेको हिसावै कोही सँग छैन । 

 
खास गरेर कुवेतमा ए डिग्रिको अपराधमा संलग्नहरुलाई मृत्यु दण्ड दिईन्छ । त्यो भनेको कस्तो अपराध हो त ? कसैले कसैलाई मारेमा उसले पाउने सजाय पनि मृत्युदण्ड नै हुने गर्दछ । यहाँ मृत्युदण्ड गर्दन काटेर वा गोली हानेर वा विष दिएर गरिन्न । एउटै विधी छ फाँसी । यसरी नै उच्च जोखिमको लागु औषधको सेवन वा कारोवारमा संलग्न हुने पनि मृत्युदण्डको भागि हुने गर्दछ । यो अपराधमा अदालतबाट फैसला भएर केही नेपालीहरु फाँसी कुरेर जेल जीवन गुजारीरहेका छन भनिन्छ । यसरी नै बलात्कार वा राज्य द्रोह को अपराध गर्नेहरु पनि मृत्युदण्डका भागि हुने गर्दछन । 


सन २००८ मा मृत्युदण्डको सजाय सुनाईएकी डोल्मा शेर्पा त देश विदेशमा रहेका नेपालीहरुको सहयोग र सरकारी पहलमा व्लड मनि तिर्न सक्षम भईन र नेपाल पुगिन । अरु धेरै छन मृत्यु कुर्नेहरु त । के त्यसरी सवैलाई उद्धार गर्न संभव छ ? या त पहल कदमी लिने देखिएका छैनन । यस्ता अपराधमा संलग्नलाई चन्दा उठाएर बचाउन संभव पनि छैन । होलान कोही परिवन्दको शिकार भए तर त्यसको छानविन कसले गर्ने ? सरकारले चाहे छानविन गर्न वा छुटाउनका लागि सम्बन्धित देशसँग अपिल गर्न सक्छ तर यसरी ए डिग्रिका अपराध गर्नेको संख्या संसारभरको हिसाब गर्ने हो भने धेरै छ । 


 सन १९९८ मा नेपाली महिला कानी शेर्पाको जीवन कुवेतमा गुमे पछि खाडीमा खदमा पठाउने र नपठाउने क्रम कहिले खुल्ने र बन्द हुने गर्दै रहेको थियो । यसै बीच डोल्मालाई मृत्युदण्ड सुनाईए पछि पूर्ण रुपमा बन्द गरियो तर सन २००९ र २०१० को विचमा भारत वा वंगलादेशको बाटो हुदै कुवेत आउने महिलाको संख्या २१८८ रहेको तथ्यांक छ । यसले नेपाल सरकार खाडी क्षेत्रमा महिलाहरुलाई जान हुदैन भन्दै कसरी पठाउदै आएको छ भनेर बुझ्न गाहो हुन्न । सरकारले चाहे रोक्न नसक्ने होईन तर सरकारका उच्च अहोदामा बस्नेहरु नै देखाउन एउटा कानून बनाउने र कुवाटोबाट अर्को उधोग चलाउने गर्दा रहेछन भन्ने सत्य कुरा त्यही आँकडाले बोल्छ । यो क्रम आज पर्यन्त पनि चलि नै रहेको छ । जति सरकार बदलिए पनि जसको सरकार आए पनि मानव तस्करी कसैले रोकेर देखाउन सकेका छैनन । नेपाल भारतको खुला सिमाना उनीहरुका लागि कमजोरी लुकाउने ठुलो हतियार भएको छ । 

नेपालीहरु स्वदेशमा रोजगारीको अवसर नपाएर विदेश जाने गर्दछन । सरकार युवाहरुको रोजगारको मागबाट पन्छन नयाँ नयाँ गन्तव्य मुलुक खोज्दै हिड्छ । मित्र राष्ट्रहरुले बनाई दिएका कलकारखाना र उधोग धन्दा समेत सरकारमा पुग्ने नेताहरुले बेचेर खाईसकेका छन । रोजगारीको कुनै अवसर बाँकी नराखेपछि युवाहरुको विकल्प विदेश जाने । किशोर किशोरीहरुले यसलाई गायत्री मन्त्र जप्न गरेका छन । अहिले सम्म नेपालीहरुको बैदेशिक रोजगारीमा जाने गन्तव्य मुलुक ११५ को हाराहारीमा पुगेको छ जसमध्ये मलेशिया र खाडी राष्ट्रमा मात्र ९५ प्रतिशत युवा छन । हरेक बर्ष जसो ४ लाख युवा वैदेशिक रोजगारमा जादै गरेको तथ्यांकमा केही कमि आए पनि अरु पचास बर्ष यो क्रम रोकिने देखिन्न । अहिलेको पुस्ता मात्र नभएर अझै एक पुस्ताले रोजगारीका लागि विदेश नै ताक्न पर्ने हुन्छ । सन २०१० को एक आँकडामा उल्लेख भए अनुसार २६२ विलियन रुपैया रेमिट्यांसबाट आएको छ । देशको आर्थिक मेरुदण्ड आर्थात ईकोनोमिक व्याक बोन भएको छ रेमिट्यांस ।


घरेलु महिला कामदार रोक्न सरकारले सकेको छैन नत यसको निरन्तरताका लागि म्यानपावर व्यवसायी लाई अन्डरकन्ट्रोल राख्न सक्यो । लोकप्रिय निर्णय गर्ने तर कार्यान्वयन नगर्ने पुरानो कथा सधै दोहरिरहेको देखिन्छ । कुवेतमा सन २०१० को एक आँकडाले के देखाएको पाईन्छ भने प्रत्येक दिन यहाँ दुई जनाले आत्मा हत्याको प्रयत्न गर्दछन । यस्तो संवेदनशिल परिवेशसँग नेपाल सरकार खेलाची कहिलेसम्म गर्दछ । यहाँ धेरै डोल्माहरु छन अझै नयाँ डोल्माहरु नपठाउँ सरकार !!

महाबिर अबिस्कार केन्द्रलाई सगरमाथा परोपकारी समाज कुवेत द्वारा सहयोग

पत्रकार महासँग अध्यक्ष न्यौपानेमाथि सांघातिक आक्रमण

४१ दिन देखी अस्पतालमा रहेका नर बहादुरको लुम्बिनी समाजको बिशेष पहलमा उद्धार

कोसेली समुहको दशौं वार्षिक उत्सवका साथ छापा पत्रिका मरूभूमिको कोसेलीको २९औ अंक बिमोचन सम्पन्न

घरेलु मदिरा सहित कुवेतमा दुई नेपाली पक्राउ,पक्राउ पर्नेमा एक महिला पनि

सुदुर-पश्चिम सेवा समाज कुवेतको प्रथम बार्षिक उत्सब सम्पन्न

कुवेतमा १६औं बमजन गोल्ड कपका पहिलो र क्वार्टर फाईनल चरणका सम्पूर्ण खेलहरु सम्पन्न

दोस्रो पटक प्रधानमन्त्री भएपछि ओलीका यी सात संकल्पहरु यस्तो छ