About Us Contact Us मुख्य समाचार बिशेष समाचार नेपाली समाचार प्रबासी समाचार बिचार बिमर्श मनोरन्जन समाचार Photo Gallery

नेपालका लागि पिटर डब्ल्यु बोड्डे नयाँ अमेरिकी राजदूत

2012-03-03 | Nabaraj Panthi

२० फागुन, काठमाडौँ । संयुक्त राज्य अमेरिकाले पिटर डब्ल्यु बोड्डेलाई नेपालका लागि नयाँ राजदूतमा प्रस्ताव गरेको छ ।

राष्ट्रपति बाराक ओबामाले बोड्डेको नाम नेपालका लागि नयाँ राजदूतमा सिफारिस गर्नुभएको राष्ट्रपति कार्यालय हृवाइटहाउसद्वारा गएराति जारी गरिएको विज्ञप्तिमा जनाइएको छ । ५८ वर्षीय बोड्डे हाल इराकको राजधानी बागदाद्थित स्थानान्तरणसम्बन्धी अमेरिकी मिसनको उपप्रमुखका रुपमा कार्यरत छन् ।

बोड्डेसँग यसअघि दक्षिणपूर्वी अफि्रकी मुलुक मलावीका लागि अमेरिकी राजदूत, पाकिस्तानस्थित अमेरिकी दूतावासको उपप्रमुखसमेत रहेर काम गरेको अनुभव छ । बोड्डे नेपालका लागि नौला भने होइनन् । उनले सन् १९९४ देखि १९९७ सम्म मिसन उपप्रमुखका रुपमा नेपालमा समेत काम गरिसकेका छन् । सन् १९८१ मा अमेरिकाको कुटनीतिक सेवामा प्रवेश गरेका बोड्डेले जर्मनी र डेनमार्कलगायतका मुलुकमा रहेका अमेरिकी दूतावसमा रहेर काम गरिसकेका छन् ।

राष्ट्रपति ओबामाको प्रस्तावलाई त्यहाँको माथिल्लो सदन सिनेटले अनुमोदन गरेपछि बोड्डेले औपचारिक रुपमा राजदूतको जिम्मेवारी सम्हाल्नेछन् । ओबामा प्रशासनले यसअघि नेपालका लागि राजदूत रहेका स्कट एच डेलिसीलाई कार्यकाल बाँकी छँदै युगान्डाका लागि राजदूतमा नियुक्त गरिसकेको छ ।

Post Your Comments

Name
Email
Comment

Enter Code *
		Please enter the code shown above to protect against message spam.